عنبر 999 النهايه حتكون هنا
تاريخ النشر: 01/01/2022
الناشر: دار ببلومانيا للنشر والتوزيع
نبذة الناشر:مجرد سؤال وحقك تجاوب أو متجاوبش، في كل الحالات إنت مسؤول عن قراراتك، وإنت المسؤول عن تصرفاتك،
عمرك نمت في يوم وجالك كابوس، وكنت بتتمنىٰ لو أي طوق نجاه يصحيك من الكابوس ده،
بلاش،
عمرك جربت إحساس تخيلته زمان إنك في يوم حتعيشه،
وفعلاً في المستقبل حسيت بيه،
بلاش،
عمرك ...جربت تدخل مكان كان نفسك تشوفه؟
أو حلمت بيه، ويوم ما لقيت نفسك في المكان ده في يوم إستغربت!
إستغربت لإنك الأول كان هدفك تشوف مكان بس بإرادتك،
بس للأسف لقيت نفسك موجود فيه غصب عنك.
وده معناه إنك بعد ما كنت حر بقيت في سجن.
طب عمرك دخلت في دوامة بس معرفتش تخرج منها، مع إنك كنت ممكن تخرج بسهولة، عارف ليه؟
عشان فاكر دايماً إن الحل في إيدك وده يثبت إنك مريض.....
كلنا مرضىٰ، كلنا بنعاني من مرض الفساد الداخلي،
نعاني من أعراض العدوانية، نمارس كل الألاعيب الدماغية، أهدافنا محددة، تكسير كل المشاعر الداخلية، تدمير جميع الجدران القلبية،
إحنا الفساد،
والفساد يعني، عنبر 999
وصدقوني وافتكروا دايماً كلامي،
، النهاية حتكون هنا، إقرأ المزيد