أنا والسهر: شروقيات وقصائد
تاريخ النشر: 01/01/1999
الناشر: دار الجيل للطبع والنشر والتوزيع
نبذة نيل وفرات:سهران../وحدي.. والقلم حدّي/يغافل شرودي ويسرق الرده. والصبح/ تا يفيق مرج أخضر/ قصقص تياب الليل تا تقصر/ والليل ما بيفل.. تا يندّي. وحدي. وشتي. وليل. وصلا. وشموع/ سهران.. بين القافيه والحرف/أكتب.. وأمحي اسمها الموجوع/ للمرة العشرين.. بعد الألف. حسيت صرلي شي سني وأكتر/ ما لقي خدي عالمخده/ وشمع العاضوّو.. كنت ...عمبسهر. أصفر لونو من السهر قدي/ سألتو.. نسي ما عاد يتذكر/ إن كنّي أخدت خدّو/ يما أخد.. خدي. ووصلت لعندي مرنخة من الطوف/ الطوف.. المحي دعسات ماضيها/ وبعينها.. مرقو السهر والخوف/ ودشرّو لون التعب فيها. وبلش يقلّي عقدها المرمر/ بتحب؟؟/ قلت الحب من ربّي. قالت.. ألما بيحب ما بيسهر/ وليلك سهر لا تجرب تخبّي/ قلت.. شعري.. وشعرك الأشقر/ اختصرو الدني.. وتملكو حبي/ بسهر عا بيت الشعر تا يشفا/ وعا وعد شعرك تايجي لحدي/ وبينك.. وبين الشعر ما بغفا/ بس القهرني.. خلصن المده/ورح تهرب الأيام من يدي. ولا قدرت حبّو/ قد ما بدّو/ ولا قدرت حبّك../ قد ما بدي. إقرأ المزيد