تاريخ النشر: 14/10/2025
الناشر: دار ببلومانيا للنشر والتوزيع
نبذة الناشر:علاقات البشر صعبه ومركبه وأصعب حاجه فيها أن الكل بيدخلها وهدفه أنه يكون سعيد ومرتاح وكسبان بس ده فى الواقع مش هيجى لوحده ولا هيحصل بتنفيذ قانون معين! أوقات وأحنا بندور أن ده يحصل رجلنا بتدخل جوه دايرة
وبنفضل نلف فيها بس لازم فى لحظة نخرج منها.....
احنا من ...أول يوم بنتولد فيه والطبيعة البشرية بتفرض علينا مراحل كتير بنمر بيها ، وكل مرحلة بنعيشها لوحدنا أو جوة المجتمع البشرى وده كله بينشأ منه صلة وتواصل مع البشر ومنها بندخل في علاقات معاهم بتساعدنا في نمو وتطور حياتنا ، وجوه العلاقات دى بتظهر مواقف كتير مختلفة وكل موقف بيتأثر بطريقة فهمنا له ، حتى الأخطاء اللي بنرتكبها في حياتنا اليومية نتيجة حكمنا على الآخرين مش بيبان تأثيرها غير بعد مرور فترة من أرتكاب الخطأ،
والصلة اللي بتربط بينا وبين الآخرين أوقات بتكون قوية وفى أوقات تانية ممكن تنقطع لدرجة أن العلاقة بتصاب بفطور والصلة بتنقطع بينا وبينهم .
(ألفريد آدلر) عالم النفس والفيلسوف وضح وشرح فى كتابه الطبيعة البشرية
ان الاساس اللي بنيت عليه النفس البشرية اتشكل خلال المراحل المبكرة من الطفولة وطريقة الربط بين خبرات الطفولة وانطباعتها ومواقفها وصدامتها وبين النفس فى نمط واحد متواصل ممكن يخلينا نقارن بين خبرات ومواقف الشخص خلال طفولته المبكرة وخبرات ومواقف نفس الشخص بعد وصوله لمرحلة البلوغ واى خلل نفسى او عقد او اوهام لها نفس العناصر والتطور بالنسبة للشخص العادى والفرق بيظهر اكتر على الشخص المريض
وتعبير واحد من تعبيرات النفس ما ينفعش اننا نتعامل معاه بصورة منفصلة او نعتبره شيء مستقل بذاته .
لكن لازم اننا نفهمه كجزء من اجزاء الفرد ككل
ونقيمه بصدق لما نفهم مكانه الحقيقى فى نمط السلوك العام للشخص وفى اسلوب حياته
وبعدها هنفهم ان كل الاهداف السرية اللي خطط لها الشخص فى مرحلة طفولته كانت بتتفق تماما مع موقفه خلال مرحلة البلوغ وحتى مرحلة الرشد
وهنطلع بحقيقة ان الشخص البالغ ما هو الا انعكاس مباشر للخبرات والمواقف والصدمات اللي مر بيها خلال مرحلة طفولته وده اللي هيحدد نمط شخصيته بدقة. إقرأ المزيد