تاريخ النشر: 01/01/2010
الناشر: كيان للنشر والتوزيع
نبذة الناشر:دول همه اللى بتصحى من النوم تلاقيهم فى وشك , تخبط فيهم ع السلم أو فى الأسانسير , بتركب معاهم الأوتوبيس أو الميكروباظ أو التاكسى, بتفرح لهم وتزعل منهم, بتغير عليهم ومنهم, بتعيش عمرك معاهم وعشانهم , وبتتشاكل معاهم طول النهار ف الشغل وعلى القهوة وفى الشارع وعلى باب بيتك, ...بتموت فيهم وفى الوقت نفسة طهقان منهم ...
دوك همه بقى انت عارفهم وحافظهم كأنهم من بقية أهلك مع انك عمرك ما قابلتهم , لكن صورهم وأخبارهم طول النهار فى التليفزيون والجرايد, مالكش سيرة إلا سيرتهم, بتلعن فيهم وتتمنى تكون زيهم, هم بالنسبة لك الحلم والكابوس, الأمل واليأس, المشكلة والحل, سبب كل بلوى وورا كل فرحة ... إذا لقيت فى الكتاب ده اللى يرسم ابتسامة على وشك, فياريت تدعى لى إن ربنا يحبب فيا دولهمه وينولنى القرب من دوكهمه, وإذا لقيت ف الكتاب ده اللى ينزل من عينيك دمعه , فافتكر المثل الشعبى العظيم: يا بخت من بكانى وبكى دولهمه على, ولا ضحكنى وضحك دوكهمه على ... إقرأ المزيد