تاريخ النشر: 01/01/2009
الناشر: آفاق للنشر والتوزيع
نبذة المؤلف:إنت عارف إن فيه ناس ضربت بعض بالنار في خناقات في المرور وعلا أماكن تجريح العربيات. صحيح إن السيادة هنا مش للقانون والناس بتركن في أي مكان؛ لكن ما حدش بيموت؛ والعبرة في النهاية إنها ماشية؛ صحيح بالعافية؛ بس مش واقفه.
الناس هنا بتاكل في بعضها ليل نهار.
بس ما بيقتلوش بعض.
أنا ...مش عارف ده ضعف ولا جبن ولا معجزة!
كان دايماً بيفتكر كلامها بعد ما سافر وعاش برة: "فيه طاقة في المكان ده أقرب للحياة وجذورها الطبيعية من العلب المغلفة المعمقة اللي بيسموها حياة في الغرب".
ما فهمش هيا كانت بتتكلم عن إيه أصلاً لما قلت له كده أول مرة. إزاي اتقابل هو وكريستين لحد الآن مش عارف. هي كانت مندفعة بكل قوتها تجاه الشرق؛ "الشرق الرومانسي" إللي قرأت عنه في الكتب وارتبط عندها بذكريات الطفولة لما أبوها كان سفير في دمشق؛ وهو كان مهوس بالغرب اللي شافه في الأفلام وقرأ عنه لما ابتدا يدرس في الجامعة. يمكن عشان كدة اتقابلو؛ ويمكن عشان كدة كمان كانت لازم العلاقة تنتهي بسرعة بالظبط زي ما حصل. إقرأ المزيد