متزوجة وأعول/ مطلقة وأعول
تاريخ النشر: 18/09/2014
الناشر: دار التنوير للطباعة والنشر
نبذة المؤلف:كل ما أفتح قلبي وأفضفض عن رغبتي في الجواز تاني أسمع أسئلة مكررة وعجيبة جداً:
تاني!! طب ليه ما كدة أحسنّ - طب والولد هتعملي فيه إيه؟ - فعلا! متجوّز؟؟ - وإبنك حيعيش فين؟ - يعرف أنو عندك ولد؟...
كأن المطلّقة الأم مش المفروض تتجوز تاني.. ولو عملت كدة يبقى هترمي ...إبنها... وما تنفعش غير زوجة تانية في السّر.. ومتسرّعة لأنها مش قادرة تعيش من غير جواز.. ومش طبيعي تلاقي حد عايز يتجوزها.. بتحاول تلاقي حجة لعلاقة، فتقول مخطوبة. كأنه أصلا ينفع تبقى مطلقة مخطوبة.. يعني ما ينفعش المطلقة اللي حتتجوز تاني يتقالها ببساطة: مبروك!!
وطبعا ما فيش راجل هايخدها بابنها.. يا إما بتصحك على العريس وبتخدعه، كأنّوا فكرة إن عندها أولاد عار!!
"كتابي مش للنقد ولا الإتهام والتحيّز والتمييز.. هو محاولة متواضعة جدا لعرض خبرات ومواقف مريت بيها أنا وحواليا واللي في حياتي. وبالرغم من اختلاف الزمن والأماكن والأشخاص إلا أن تشابه الجنس البشري وأنماطه أزلي.. وده إللي زاد رغبتي في إني أكتب عن لسان آخرين عشان أشاركهم وأهوّن عليهم ليصبح صوت سكوتهم مسموع ومحسوس، وأتمنى كمان مفهوم لإني معهم ومنهم!! هذا الكتاب دعوة لإعادة النظر والمراجعة؛ لعله لكون مفتاح لقلوب وعقول بعضهم لبعض. إقرأ المزيد