تاريخ النشر: 01/01/2007
الناشر: دار التربية
مدة التأمين: يتوفر عادة في غضون أسبوعين
نبذة نيل وفرات:"نشروني بجريدتهم صنف مرتد ورقمي واحد وسبعين بالعده. صنفنه الزمان أصناف ما تنعد ولكمن بالعجل خط طينته بخده، مرتد وهلي قامو علي الحد ذنبي أحمل اسم هذا العراق واختلي بسده، عدوني عدوهم يوم عدو العد ونسو سيفي وصليله الماغفه بغمده، نسو ذيج المعارك يوم جد الجد وما ينخون غيري ...بساعة الشدة، كسروها أبختهم وما أكول أزود وعساها أبخت كلمن يكسر السده، باعدني الزمن منهم بعد أبعد خاف اشتاك يوم واحلم برده، مثل المطلكة التحلم بيوم ترد لحد ما طك صبرها وخلصت العده، أحسن مم الي تارجح بين جزر ومد واليطوف لازم تكرفه المده، أثاريني ذهب تيزاب اتجدد اشمامر الزمان اتجوهر أبحده، صدم لاجئ سياسي وما علي منكد ولا كاعد ذليل ودمعته بخده، ولم أدري نهار الغربه ليل أسود، اشوي أهواي من غربة الدار وغربة البلده، موبيدي اختياري بيد ربي الخالق الأحد من غصبت علي اسكنت هولنده، مثل طبع الصكر ما أكلت المبرد ولا دفيت روحي بجلة البردة، على هموم كانت تنزل وتصعد ومسرت القيود وفرفحت عمده، شكل للوطن لو شفته يتفرهد ومن تحجي أعلى حلكك تلطمك لده، ومن تسكبت تظل شيطان يتلبد وصبرك زاد صبر أيوب واتعده، وافيت الوطن بالدين سد بسد ومن دم الركاب الدينه نسده، وإذا راد الوطن من عندي يتأكد أشهد دم أخوي السايل بحده، وقف مثل الجبل جبار فوك الحد شو هذا العراق اليوصله أشحده، مثل ذيج الزلم ما ظن أبعد تولد ولا جرة كراع وهلهلت جده، امحلت لا ديم يروي ولا نهر يورد ولا هب النسيم وفتخت ورده، صفت للذيب بيها والسبع ادرد وحصاد الباث يحصد منجله وزنده". إقرأ المزيد