يا شات… اتصرف! دليل الست الشاطرة للذكاء الاصطناعي
تاريخ النشر: 14/06/2026
الناشر: خاص - علي مجدي
توفر الكتاب: يتوفر في 48 ساعة
حمّل iKitab (أجهزة لوحية وهواتف ذكية)
نبذة الناشر:متربعة في البيت ومساعدة خصوصي ببلاش؟ أيوه!*
*تخيلي معايا كده...*
- الساعة 5 ولسه مش عارفة هتطبخي إيه؟ تفتحي الشات تقوليله "يا شات اتصرف عندي بطاطس وبيض" يديكي 3 وصفات في دقيقة.
- الواد جايبلك مسألة رياضة وانتي كنتي أدبي؟ تقوليله "يا شات اشرحلي دي كإني طفل" يشرحها أحسن من المدرسة الخصوصي.
- عاوزة ...تبيعي مخلل على الفيسبوك ومش عارفة تكتبي إيه؟ يقولك "اكتبي كذا" والبوست يجيب 50 كومنت.
- مخنوقة ومش طايقة نفسك؟ تفضفضيله يطبطب عليكي بكلمتين يعدلوا مزاجك.
*هو ده شات GPT يا ست الكل.*
مساعدة شاطرة، فاهمة في كل حاجة، وقاعدة على الموبايل مستنياكي 24 ساعة. والأحلى؟ *ببلاش.*
*طيب الكتاب ده هيعملك إيه؟*
الكتاب ده مش هيعلمك "برمجة" ولا "ذكاء اصطناعي" ولا الكلام المكلكع ده.
الكتاب ده هيديكي *50 أمر سحري كوبي بيست*... تاخدي الأمر تحطيه للشات وهو "يتصرف".
يعني من الآخر: *هحولك من ست بيت مطحونة... لمديرة معاها مساعدة شاطرة.*
*3 وعود مني ليكي بعد ما تخلصي الكتاب ده:*
1. *هتوفري ساعتين كل يوم.* ساعتين كنتي بتضيعيهم تفكير ولف ودوران.
2. *هتبطلي جملة "مش عارفة".* أي حاجة مش عارفاها... "يا شات اتصرف" هيجبهالك.
3. *هتحسي إنك سابقة.* وانتي قاعدة في بيتك معاكي تكنولوجيا لسه نص الستات مسمعتش عنها.
*بس خلي بالك من حاجة مهمة:*
الشات ده مساعد... مش مخك.
خدي منه الأفكار والحلول، بس القرار الأخير قرارك انتي. انتي المديرة وهو المساعد.
*جاهزة تريحي دماغك شوية؟* اقلبي الصفحة... وقولي معايا: "يا شات... اتصرف! إقرأ المزيد