المنظر: أشعار بالعامية المصرية
تاريخ النشر: 01/01/2002
الناشر: دار الشروق
توفر الكتاب: نافـد (بإمكانك إضافته إلى عربة التسوق وسنبذل جهدنا لتأمينه)
نبذة المؤلف:عمرى هدية ف عيد ميلادى الصفر قبل الأولانى
والنهارده بافتح السلفان وافك فيونكته
ولقيت حاجات جواه كتير
آخر عادية إنما آخر عجب:
ساعة دهب
وكل ساعة ف أى عمر تمر
تبقى من دهب
عفريت علب
يا تشوفه تضحك
أو تشوفه تموت من الخضة، حسب.
وعروسة حلوة بزنبلك
وعروسة تانية حلوة من غير زنبلك
وتاج سجين
وقيود ملك
ولقيت ولد كوتشينة
يفضل هوه هوه فى الورق
مهما ...انقلب
ولقيت كتب
ولقيت طرب
ولقيت شريط فيديو طويل
مكتوب عليه
خمسون عام من الصراع بين الصهاينة والعرب
وجهنم الحمرا لقيتها ف محبرة
والجنة برضه ف محبرة
ولقيت حصان عربى ومضماره غرا،
ولقيت بابور من غير لهب
ولقيت ف آخر العلبة كارت أبيض،
عليه إسمى فقط، والباقى لسه ما انكتب. إقرأ المزيد