المأجور ؛ النمل والنظام ؛ الزجاج: المسرحيات"الجزء الثالث"
تاريخ النشر: 01/01/2002
الناشر: مكتبة الأسرة
نبذة المؤلف:حمدى: صباح الخير يا عم جيد. (يبدأ فورا فى البحث بين الدوسيهات باستغراق شديد)
جيد: صباح الخير يا ابنى (كانه يتحدث إلى نفسه) كشف الماهيات اللى بعته. رجعوه لى تانى. اسم سقط منى.
حمدى: (لحظة) الدوسية رقم 54 أ فص ملح وداب (يدخل سيد) صباح الخير يا سيدى ما شفتش الدوسية 54 ...أ
سيد : (قورا قبل أن يجلس) لا.
حمدى: (مغيظا) طيب دور
سيد: (حاسما) لا ما أدورش. الدوسيهات اللى عندى سلمتها بالسركى. واللى باستلمه بالسركى بأسلمه بالسركى. المؤمن لا يلدغ من جحر مرتين. (يدخل عبد الجواد وعلى) دوسيه ضايع من حمدى حد شافة منكم.؟
على طلع له منادى يا حمدى (حمدى يلقى عليه نظره ملتهبة ولكنة لا يرد) أصل دوسيه موش خروف يعنى فيه أمل كبير. صباح الخير ياعم جيد.
عبد الجواد: على ما ييجى الشاى يكون الواحد طلعت روحه.
على:امباح واحد منادى فايت فى البلد ينادى خروف ضايع يا ولاد الحلال. أولاد الحلال مجنون رسمى، الخرفو اندبح واتسلخ واتباع وتاكل. شئ منه فتة وشئ منه كباب وشئ ريش وشئ موز. الا أولاد الحلال. (لا أحد يستجيب له) والله العظيم أنا كنت حا أضربه فعلا (وفى صوته رنة حزن عميقة. كانه يتحدث عن نفسه) الراجل. صاحب الخروف. تاجهل الواقع المادى بطريقة وقحة جدا. أحلام مثالية. خروف يضيع ويتلقى.
عبد الجواد: على ما ييجى الشاى يكون الواحد روحه طلعت.
سيد: أشكر ربنا اللى يتنازل ويجيب لك شاى دا شاهبندر التجار.
حمدى: (وهو لم يتوقف عن البحث) مادام قبل الوظيفة لازم يؤديها أو يستقيل.
يستقيل لما يبقى مغفل زيك. أهه كله مكسب.
عبد الجواد: ومن علامات العبقرية أن تكسب مالا لا تتعب فيه.
حمدى: (وهو يبحث) يخرب بيت الدوسيه 54 أ إقرأ المزيد