ايه اللى يخلينى أقرأ رواية عشوائية الموجود فى الوجود؟ السؤال ده اتسألته كتيييير و فى البوست ده هقول ليه أنت لازم تقرأ رواية عشوائية معلش الكلام كتير حبتين بس استحملونى؟ 1) تصنيف الرواية: دراما - غموض - خيال علمى - ميثيولوجى - فلسفى - ميتافيزيقى - تحقيق و جريمة - سايكو - كوميدى - رومانسى. يعنى حرفياً الرواية شاملة كل حاجة؟ أى حاجة بتحب تقرأها هتلاقيها موجودة. و مش بتمر مرور الكِرام لا ليها تأثير. 2) الرواية فيها شخصيات كتير و أحداثها بتدور فى مصر بس فى عالم تانى. ممكن نعتبره فيه قليل من الفانتزيا؟ كل شخصية مختلفة تماماً عن الشخصية التانية. و اكيد هتلاقى شخصية شبه شخصيتك؟. 3) لو بتحب الميثيولوجيا المصرية: احب اقولك انك هتحب الرواية جداً مع وجود 4 آلهة مصرية و فى طقوس قمت بترجمتها من أبحاث اجنبية فى علم المصريات. 4) لو بتحب الأدب: فهتلاقى نصوص أدبية كثيرة. 5) لو بتحب الشعر: احب اقولك هتلاقى في شخصية كل كلامها شعر??. 6) لو أنت رسام و بيتحب الفن؟: احب اقولك فان جوخ موجود. 7) لو أنت بتحب تسمع أغانى انجليزى؟: احب أقولك مايكل جاكسون بشحمه و لحمه موجود و هيغنى smooth criminal. ?? لو أنت بتحب تسمع أغانى عربى؟: احب اقولك داليدا موجود فى الرواية؟. 9) لو بتحب التمثيل؟: فتلاقى روبين وليمز؟. 10) لو بتحبى الأنمى؟: فهتلاقى كوسبلاى لشخصية بنحبها مووووت؟. 11) لو بتحب الخيال العلمى و الحاجات العبثية: فهتلاقى كتيييير من ده. 12) أنت لو حتى بتحب السرسجة: هتلاقى كام شخصية سرسجية؟. 13) الرواية فيها 7 قصص رومانسية كل قصة مُختلفة عن التانية. اقتنعت؟؟ لا لسه؟ طيب ركز ف اللى جاى؟ 1) رواية عشوائية الموجود فى الوجود: هى أول رواية تحتوى على أقدم نص نثرى فى التاريخ. أيوة زى ما قريت كده فى التاريخ؟ 2) رواية عشوائية الموجود فى الوجود: هى غالباً أول رواية تجمع ما بين الميتافيزيقا و الميثيولوجيا. بالبلدى كده انا عملت ميكس بينهم و طلعت حاجة فى الرواية اسمها عالم الممقوت. و هتلاقينى ذاكر المصادر فى الرواية؟ 3) رواية عشوائية الموجود فى الوجود: هى غالباً أول رواية تجمع كل التصنيفات الأدبية؟. ماعدا الفانتزيا؟ 4) رواية عشوائية الموجود فى الوجود: بعض الأحداث الدُرامية مأخوذة عن أحداث حقيقية ممرت بها أنا شخصياً، و كانت بداية انى عملت عالم عشوائية. معلش لو كنت طولت فى الكلام؟ بس أتمنى برضو تقرأوا الرواية علشان تتأكدوا من كلامى و تعيشوا التجربة اللى عشتها؟ و طبعاً متنسوش تدعولى دعوة حلوة؟

علشان فلسطين غالية حبيت اعمل حاجة مختلفة?????. الكتاب لا هو مجموعة قصصية ولا هو ديوان ولا كتاب خواطر هو حاجة ميكس???. حرفياً عبارة عن سندويتش أدبى???? بتبدأ بقصة قصيرة و تنتهى بقصة قصيرة و ف النص خاطرة ادبية و قصائد شعرية تتنوع من العامية للغة العربية الفُصحى. و كل قصيدة ليها استايل مُختلف عن التانى. بتتكلم عن الوضع الحالى فى غزة، و لكن من نظرة أدبية. من ضمن القصائد، قصيدة "تحت الأنقاض" و كأن شخصاً مُلقى تحت الأنقاض و بيقول آخر كلماته قبل موته.