نهارك لذيذ (كتاب لأعداء القراءة) "ستاند أب كوميدي مقروءا"
تاريخ النشر: 01/01/2011
الناشر: شباب بوكس
نبذة المؤلف:بس أنا بقى مصرة إني مميزة.. لأني اتولدت في وجود الريس،هااا؟؟ حد بيتكلم؟؟ كلام المسئول بيبقى ما معناه "بمنتهى الشفافية.. أيها الشعب المغفل إحنا بنستعبطك عيني عينك.. أمك قرعة هااع" في بعض البلدان العربية بيبقوا واخدين فكرة غريبة عن المصريات.. بتتعاملوا بنظام "إلحق يا جدع دي مصرية.. الغازية لازم تنزل" ...ولما العربية تتكلبش وأروح أتحايل على عمو الظابط وأقوله "والنبي والنبي معرفش إني راكنة في الممنوع" ويبقى واقف جنبي سواق ميكروباص بيطنطط زيي وبيقول للظابط "وأنا كمان والنبي والنبي ومعرفش إني ماشي في عكس الاتجاه" يعني واحد يبقى عامل كل المعاصي وشاف نفسه وعاش وفجأة.. شوف.. فجأة يقول لنفسه "عيب بقى لازم نتلم" يروح مربي دقنه ووراسم زبيبة صلاة بتنوة بن القهوة ولابس جلابية وماسك السبحة ويخنوقنا بقى. في المترو مشغلين تسجيل لمذيعة مزة كده بتقول "على السادة الركاب الالتزام بالأسهم..." ما معناه الحمار اللي مشفش الأسهم يشوفها واللي مفهمش يفهم إن سهم الطلوع للطالع والنزول للنازل يا أغبيا يا حمير.. اللوح بتاعت "معًا نخطوا نحو مستقبل باهر" ومن ساعتها المستقبل عمال بيخطو... وسايب باهر قاعد هناك لوحده حالف ميت يمين ميجيش. إقرأ المزيد