تاريخ النشر: 01/01/2013
الناشر: الرواق للنشر والتوزيع
توفر الكتاب: نافـد (بإمكانك إضافته إلى عربة التسوق وسنبذل جهدنا لتأمينه)
نبذة الناشر:....على عكس اللي تتمناه.....
مفيش (على طول) فرص تانية
مفيش حد بيقع من فوق
يقوم تاني... بدون ولا خدش!
مفيش ولا ضربة مابتوجعش.
أو اختراعات تحل مشاكل العالم
بكبسة زر
وحتى فطيرة التوت اللي قالو عليها...
طعمها مر!
وحبك ليا مش عشوة... وتذكرتين
وبوكيه ورد يصالحني
لما نتخاصم
ولا خناقة مع الواد اللي عينه عليا ومدايقك.
عشان بتغير
ومش صح إن لو واحد
أكل ...حبة سوداني يطير...
ولا ضفدع بقدرة قادر اتحول ف يوم لأمير
وبياض التلج... ماتت... قبل
مايجيلها البطل بــ كتير
ولا الأشرار بيبقى شكلهم معروف...
...ولا بيتفقسوا م الأول!!
ولا بيتمسكوا ف الآخر
ف مالآخر
وم الإنصاف...
محدش كامل الأوصاف
يجوز فعلًا
في كـــلٍ منا
شيء مجنون
وانا حابة الجنان... لكن
ياريت تفهمني وتصدق...
على عكس اللي تتمناه
حياتنا بجد...
مش كارتوننبذة المؤلف:تذكرة أوتوبيس قديمة
كات ف جيبك
ف الطريق لمكان جديد
صورة ف المتحف بتضحك
فيها مش فاكر لمين
جرح ف إديك من سنين
كل ما بتكتب يشد
كل ما يشدك... تفكر
كل ما تفكر بتتعب
لما توصل للمفيش
حتى فيروز اللي أول مرة تفهمها ف غروب الشمس
زي آخر مرة بتسافر... لوحدك
أول وآخر مرة
حالة
غالباً
ما بتتنسيش إقرأ المزيد